PRAYER RALLY AT MISA LABAN SA OBANDO LANDFILL, MULING MAGAGANAP NGAYONG SABADO

| Sep 12, 2012 | Comments 8

Ang kontrobersyal at pinipitisyong high-tech daw na basurahan ng Ecoshield Development Corp. sa ilog ng Brgy. Salambao, Obando, Bulacan. Makikita rin sa larawan ang malawak na pagkakalbo ng mga punong-bakawan.

Kasalukuyang nasa Court of Appeals ang kaso laban sa itinatayong 44 hectares na Obando Landfill sa ilog ng Salambao. Paniwala kasi ng mas nakararaming Obandenyo, isang malaking negosyo lamang ang nasabing basurahan kaya’t kung itoy mapapayagan ay malalagay sa mas higit na peligro ang kalikasan at kaligtasan ng mga taga-Obando pati na rin ang mga nasa karatig bayan. Base sa pag-aaral ng mga eksperto ay mali at labag sa batas na itayo ang nasabing basurahan sa kailugan. Labag kasi sa batas na itayo ang isang basurahan malapit sa tubig, pero ang Obando Landfill ay mismong sa ilog itinatayo.

Wala rin itong tunay na konsultasyon sa mga mamamayan para mapagtibay kaya naman ganito na lamang ang pagtutol dito. Ayon naman sa SEC (Security and Exchange Commission), isang baguhang kumpanya ang nasa likod ng proyektong ito at ang Obando Landfill ang kanilang pinaka-unang proyekto. Pangamba ng mga Obandenyo, dahil walang karanasan sa pagtatayo at pagpapalakad ng isang sanitary landfill ang nasabing kumpanya ay baka raw gawing eksperimento lamang ang bayang Obando na puwedeng mauwi sa trahedya.

Upang hindi ito matuloy, isang prayer rally laban sa Obando Landfill ang muling gaganapin sa Sabado (September 15) na magsisimula ng 1pm sa Parokya ng Sta. Cruz (Brgy. Paco) at tutuloy hanggang sa Parokya ng San Pascual (Brgy. Pag-asa). Susundan agad ito ng isang misa.

Ang banal na pagkilos na ito ay bukas sa lahat ng nais makiisa.

Samantala, para naman sa mga hindi makadadalo dahil nasa malayong lugar o kaya’y may ibang pagkakaabalahan sa nasabing araw, mapapanood nang LIVE sa website na ito ang misa pati na rin ang ilang tagpo sa nasabing banal na pagkilos.

Filed Under: News

Tags: • • • •

About the Author:

RSSComments (8)

Leave a Reply | Trackback URL

  1. Dory Cruz says:
    September 13, 2012 at 12:10 am

    Yehey! ang bait ni Lord!, na grant yung wish ko…live stream…:)

  2. Arby Bartolome Gonzalez says:
    September 13, 2012 at 4:34 am

    Keep praying fellow obandenians! No To Obando Landfill! God bless everyone!

  3. Al Aquilino Capiral Lazaro says:
    September 13, 2012 at 10:52 am

    SMA AKO JN……

  4. Jaime Leandro Reyes says:
    September 13, 2012 at 12:42 pm

    Huwag daw muna kaming sumama sabi ng organizer…pero sa buwan ng Oktubre, ang Guardians Stop Global Warming Foundation, Inc. ay lubos na makikiisa kasama ng aming mga kapatid sa Guardians…hindi kami papayag na matuloy itong walang pakundangang paninira ng ating kalikasan!

  5. Aida Ignacio says:
    October 6, 2012 at 5:34 am

    Ang Dios ang namumuno sa Rally na ito. Ito ay para sa lahat ng mamamayan ng Obando.God bless our Home Town OBANDO!

Leave a Reply

You must be logged in to post a comment.